Journal

الصفحة الأساسية > الجريدة العربيّة > كي تكون جاي من طبقة اجتماعية فقيرة واعر عليك أن تتحرر

كي تكون جاي من طبقة اجتماعية فقيرة واعر عليك أن تتحرر

الأحد 20 أيلول (سبتمبر) 2020, بقلم Ahmed Slama

كاين أوقات كيما هاك وين أنولي على حياتي , على ڨاع لّي كتبته و قريته , وين أنخمم على كيفاش أنا لّي كبرت في عائلة بدون مستوى ثقافي عالي , أمّي و بوي جايّين من طبقة إجتماعية فقيرة . رغم هاذ الأصل , بديت نقر , نكتب و ننشر روايات و مقالات باللّغة الفرنسيّة . مغاديش نكذبو على رواحن ! إذا نقارن مع عائلات أخرى الأب و الأم التّاوعي كانو يعرفو يقرو و يكتبو , كان غندن في الدّار كتابات بش حنى(الغراري) نتعلمو , بصّح بزّاف من هاذ الكتابات مكانش يشريهم بوي بش يقراهم , لا , كان يشريهم بش يحطهم في الصّالون و يزوّق الحيوط . كيما دروك كاين أشخاص لّي تصور الكتابات لّي تقراهم بش أمبعد تنشر التصويرات الشّبكات الاجتماعية . كن عرف الإنترنت بوي , أنا متأكد بل كان ينهمك فيه , خاصة في نشر و إشتراك صور غلافات كتب , كان يفوش الكتاب كيم شيئ أنورّوه لنّاس , شيئ نتميّز به

أمي أيضا كانت متعلق بالآداب , بصّح هي مهتمّة أكثر بالكاتبين , حياة الكاتبين , سيرة شخصيتهم , هي ّلي كانت تحكيلي كيفاه مات الجاحظ , طاحو عليه كتوبته , وكتلوه . مرانيش عارف علاه كانت تكرر هاته القصّة , بلاك كانت تتمنى هذه الموة لي زوجه , هاذاك الزّوج لّي ڨاع اللّيل كان يبلّع على روحه في الصّالون , يكمي و يتقهو , هاذاك الرّاجل لّي الكتابات لّي كان يشريهم بلا ما يقراهم لّي كان يضيّع دراهم الدّار فيهم , الرّاجل لّي مكانش مهتم بعائلته , بلاك أم كانت تتمن الكتابات لّي كان يسهر معاهم يطيحو عليه و يكتلوه. أم كنت متعلقة ب الكتّاب المصريّين طه حسين , نجيب محفوظ أو توفيق الحكيم. كتّاب كانت مغجبة بيهم , بصّح ما كانت قاري حتّى كتاب ول نص تّواعهم غيرمقتطفات من هن ولّ هناك , قراتهم في مألفات خصوصيّة

كي بوي , كي أم حلمو يولو بورجوازيّين , حلمو يدخلو في طبقة البورجوازيّة الثّقافيّة , بصّح في عمرهم ما قدّو , كي تكون جاي من طبقة اجتماعية فقيرة واعر عليك أن تتحرر

أي رسالة أو تعليق؟

المنتدى اشتراك إجباري

قبل الاشتراك في هذا المنتدى، يجب أن تسجل نفسك. الرجاء إدخال أدناه المعرّف الشخصي الذي حصلت عليه. إذا لم يسبق لك التسجيل يجب ان تسجل نفسك.

الدخولتسجيلهل نسيت كلمة السر؟